Եթե պարզվի, որ փաշինյան-քոչարյան գաղտնի հանդիպման մասին լուրը ճիշտ է, ապա դա կարող է միայն մեկ բան նշանակել… Հայկ Մարտիրոսյանի դիպուկ գրառումը

Քաղաքագետ Հայկ Մարտիրոսյանը ֆեյսբուքյան իր էջում գրել է․ «Եթե պարզվի, որ փաշինյան-քոչարյան գաղտնի հանդիպման մասին լուրը ճիշտ է, ապա դա կարող է միայն մեկ բան նշանակել.

նիկոլ փաշինյանը Մոսկվայի հրահանգով հանդիպում է իրենից հետո Մոսկվայի երկրորդ հենարանի` Քոչարյանի հետ, որպեսզի քննարկի իշխանության փոխանցման մեխանիզմները և անձամբ անվտանգության երաշխիքներ ստանա։

Դրանից հետո փաշինյանը կարող է լքել երկիրը, կամ հրաժարական տալ և հետո լքել, իսկ փաշինյանի, սարգսյանի և իհարկե քոչարյանի Ազգային ժողովը կընտրի քոչարյանին վարչապետ։ Դրանից հետո Հայաստանի ինքնիշխանության ձևական գայությունն անգամ առ ոչինչ կդառնա և երկիրը կհանձնվի Մոսկվային` Թուրքիային տրամադրելու համար։

Տարբերակ է, բայց հնարավոր, անգամ շատ հնարավոր տարբերակ է։
Որպեսզի այս սցենարը ոչ մի պարագայում իրականություն չդառնա` իշխանության պետք է գա միայն ու միայն Ազգային Ժողովրդավարական Բևեռը, որն անցումային արդարադատություն է իրականացնելու և ոչ թե զավթելու է իշխանությունը, այլ` հաստատելու է ժամանակավոր, ուժեղ և ժողովրդավարական կառավարություն։

Իսկ դրա համար անհրաժեշտ է, որպեսզի փողոցներում մարդկային մեծաքանակ զանգվածներ լինեն։
Արի՛ Բևեռի հանրահավաքին։ Փրկի՛ր երկիրդ»։

Աղբյուրը` Հայկ Մարտիրոսյան

https://m.mamul.am/am/news/225378/p1

Оставьте комментарий